Balkan Montenegro

Badeferie i Budva

Etter nokre dagar i innlandet i Bosnia & Herzegovina, venta badeferie langs den Budvarske riviera. Staden mor mi snakka så mykje om frå 70-talet.

Etter nokre timar i bussen gjennom skog og fjellområde kunne vi plutseleg sjå Adriaterhavet i det fjerne. Bussen snirkla seg nedover den bratte fjellsida forbi Cetinje mot Budva. Byen eg hadde høyrt så mykje om gjennom heile oppveksten. Byen mor mi snakka så mykje om, etter fleire feriar der på 70-talet. Eg var spent på å sjå kor mykje den hadde forandra seg frå alle bileta eg gjennom åra har kikka på å i gamle album.

Snapchat-2371979376095712545

Det første som slo meg var at den var stor. Og det var turistar overalt. Ein stor forandring frå rolege Trebinje. Etter fleire dagar i innlandet i Bosnia & Herzegovina, var første mål å ta eit bad.

20160729_124158

Det var enklare sagt enn gjort. Sjølv kl. 17 var det stappfullt overalt. Eg hadde lese at Mogren Beach skulle vera plassen å gå, men her var det så fullt at eg så vidt fann ein plass å leggja frå meg kleda for å ta ein dukkert… På veg tilbake booka eg rett og slett solseng for neste dag, på stranda like ved gamlebyen. Det viste seg å vera eit godt val, då eg kunne utforska byen mellom soløktene. Eg vert fort lei av å liggja i ro i steikande sol.

20160729_141910

Budva skal ha blitt grunnlagt allerie på 400-tallet f.Kr og gjekk under navnet Illyria i Romertida. Det er framleis ein flott gamleby, sannsynlegvis ikkje så anleis enn under mor mi sine besøk på 70-talet.

20160729_133529

Trange smug med koselege kafear og restaurantar på dei mange plassane.

20160729_140805

Frå omlag 1400-1800 var Budva ein del av det Venetianske imperiet, og det pregar framleis maten. Pizza, pasta og risotto fann ein overalt, saman med fisk- og skalldyrrettar.

 

20160729_141233

 

20160729_141230

I dag er det den største feriebyen i Montenegro og sentrum langs den budvarske riviera. For det meste prega av russisk og østeuropeisk turisme, og det verka som om dei fleste kunne russisk. Stemninga var likevel god, med ein god blanding av ungdommar og familiar.

20160728_162527

Eg budde i eit fantastisk rom i Vila Mitrovic, hjå ein familie som snakka perfekt engelsk og ikkje visste kva godt dei kunne gjera. Sjølve rommet var moderne og kunne like godt ha vore på eit 4-stjernes hotell. Det beste var likevel balkongen! Romsleg og med ein fantastisk utsikt.

Frå Vila Mitrovic gjekk det ein snarveg ned til gamlebyen. Kveldane gjekk med til å eta god mat og utforska dei mange smuga. Langs havna stod turtilbydarane på rad og rekke, og eg booka ein båttur langs rivieraen den andre dagen der.

2017-05-05 12.56.38

Båtturen gjekk nedover langs kysten, med badestopp både her og der. Blant anna ved Sveti Stefan. Øya som frå 1400-talet husa ein liten fiskarlandsby, men som no er eit luksushotell og kanskje det mest kjente bilete frå Montenegro.

20160730_105334

Med på båtturen var det fleire koselege par og nokre få andre som reiste aleine. Noko som overraska meg undervegs var at dei fleste jentene ikkje kunne svømma. Mennene hoppa uti, mens jentene måtte låna flytevestar i båten.

2017-05-05 12.58.32

 

20160730_112841

Vi stoppa i den vesle byen Petrovac, der vi hadde nokre timar til rådigheit til lunsj og strandliv.

20160730_133734.jpg

Er ein nokre dagar i Budva, vil eg på det sterkaste anbefale ein slik utflukt som avveksling til bystrendene. Kysten er nydeleg.

20160730_160902

På veg tilbake stoppa vi på Sveti Nikola, ei lita strandøy som ein også kan ta båttaxi til direkte frå Budva. Eg forlot båten og tilbragte resten av ettermiddagen strak ut på ei solseng.

20160729_140613

Budva er nok ikkje byen eg vil anbefale andre aleinereisande. For min del var det viktig å endeleg få oppleva den, men eg tenkte ofte at eg heller skulle vore der på mor mi si tid.

0 comments on “Badeferie i Budva

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: